SESQVISEPARATISTAE

SESQVISEPARATISTAE

dicti quidam ex Independentibus, Anglicâ Sectâ, qui primâ fronte profitentes se dimidiâ parte inclinare ad Brownismum et veritatem consistere in medio, inter Brownismum et Presbyterianismum: revera tamen in praecipuis non tantum consentiunt, cum Brownistis, sed et eorum furores exsuperant, ut pro Semiseparatistis inveniantur Sesquisepar atistae. Independentes enim hi secessionem ab Ecclesia faciunt propter longe leviores causas quam Brownistae, ut qui offendebantur Episcopis, Liturgiâ et imietate. At illi, his homnibus sublatis, tamen se separant. Confitentur Ecclesiam Anglicanam esse veram Ecclesiam, et Ministerium eius verum ac salvificum, et tamen communionem cum illa abnuunt. Docent, quicumque non amplectuntur Independentiam, utcumque coetera pius et orthodoxus sit, non admittendum ad S. Cenam, nec frui debere privilegiis Ecclesiae. Neminem admittunt pro membro, nisi qui totam Congregationem convincat de sua reali regeneratione etc. Reliqua illorum dogmata et formam Ecclesiae, describit Georg. Hornius Historiâ Eccl. Nov. Test. Period. III. artic. 3. §. 49. et seqq. quem si placet vide.